Raza Musani 
پاراچنار: ضلع کرم سے رکن قومی اسمبلی اور ایم ڈبلیو ایم کے پارلیمانی لیڈر انجینیئر حمید حسین نے واقعے کی مذمت کرتے ہوئے کہا ہے کہ حمید خان کلے جیسے پرامن علاقے میں اس قسم کا واقعہ سمجھ سے باہر ہے اور یہ علاقے میں منظم سازش کے تحت بدامنی پھیلانے کی کوششیں ہے۔
اُن کا مزید کہنا تھا کہ عوام اس سازش کو ناکام بنا کر قیامِ امن کے لیے راہ ہموار کریں۔ حمید حسین کا کہنا تھا کہ مرکزی شاہراہ پر چوکیوں کے قیام کے بعد بھی اس قسم کا واقعہ کا ہونا پریشان کُن اور افسوسناک ہے۔
دوسری جانب طوری بنگش قبائل کے رہنماؤں نے واقعے کی مذمت کرتے ہوئے حکومت سے واقعے کی فوری تحقیقات اور ملوث عناصر کے خلاف کارروائی کا مطالبہ کیا ہے۔ عمائدین کا کہنا تھا کہ وہ بھی دہشت گردوں کی نشاندہی اور ان کے خلاف کارروائی میں حکومت کا بھرپور ساتھ دیں گے.
