Raza Musani 
دوحہ: فلسطینی مزاحمتی تنظیم حماس نے کہا ہے کہ غزہ میں قحط تباہ کن سطح پر پہنچ چکا ہے۔ بھوک کا اسلحے کے طور پر استعمال کیا جارہا ہے۔ حماس نے ایک بیان میں کہاہے کہ غزہ میں بچوں اور شہری آبادی کیخلاف جدید تاریخ کا بدترین جرم ہو رہا ہے۔ غزہ میں انسانی حالات ہولناک تباہی کا شکار ہیں۔ بیان میں کہا گیاہےکہ فاشسٹ صیہونی حکومت نے غزہ میں بھوک اور زندگی کی بنیادی ضروریات سے محرومی کو نسل کشی کے ایک ہتھیار طور پر استعمال کیا ہے۔
حماس نے کہا کہ انسانی تباہی اور صیہونی فوج کی طرف سے روزانہ کیے جانے والے ہولناک جرائم کے سامنے سلامتی کونسل سمیت عالمی برادری کی خاموشی ایک خطرناک نظیر قائم کرتی ہے۔ حماس نے عرب اور اسلامی ممالک سے مطالبہ کیا ہے کہ وہ محاصرہ توڑنے کے لیے فوری اقدام کریں اور انسانی امداد کی اجازت دیں۔
