کوئٹہ میں دھماکا، 2 پولیس اہلکاروں سمیت 4 افراد جاں بحق، 15 زخمی

کوئٹہ : کوئٹہ میں دھماکے سے 2 پولیس اہلکاروں سمیت 4 افراد جاں بحق اور 15 زخمی ہوگئے۔کوئٹہ پولیس کے مطابق دھماکہ شاہراہ اقبال پر پولیس وین کے قریب ہوا، جس کے نتیجے میں 4 افراد جاں بحق اور 15 زخمی ہوئے، جاں بحق افراد میں ایک بچی اور دو پولیس اہلکار شامل ہیں۔ لاشیں اور زخمیوں کو ریسکیو کی گاڑیوں کے ذریعے سول اسپتال منتقل کردیا گیا، جہاں 3 زخمیوں کی حالت تشویشناک بتائی جاتی ہے۔دھماکہ اتنا زوردار تھا کہ اس کی آواز دور تک سنی گئی، دھماکے کے بعد پولیس اور بم ڈسپوذل اسکواڈ موقع پر پہنچ گیا، بم ڈسپوذل اسکواڈ کے مطابق دھماکے میں 3 سے 4 کلو دھماکا خیز مواد استعمال کیا گیا جسے ایک موٹر سائیکل میں نصب کیا گیا تھا.