Raza Musani 
برسلز: یورپی یونین کی اعلیٰ عہدیدار حادجہ لحبیب نے اسرائیل سے مطالبہ کیا ہے کہ غزہ کی تمام بارڈر کراسنگز کھولی جائیں تاکہ انسانی امداد بلا روک ٹوک فلسطینیوں تک پہنچ سکے۔
لکسمبرگ میں یورپی وزرائے خارجہ کی کونسل کے اجلاس میں حادجہ نے کہا کہ ہم نے پچھلے چند دنوں میں دیکھا کہ جنگ بندی کتنی نازک ہے، انسانی امداد کو ایک بار پھر یرغمال بنا لیا گیا ہے۔ انہوں نے زور دیتے ہوئے کہا کہ فلسطینی عوام کے مصائب کم کرنے کے لیے مکمل اور غیر مشروط انسانی رسائی ضروری ہے۔ ان کا کہنا تھا کہ تمام گزرگاہیں کھلی ہونی چاہئیں کیونکہ اگرچہ غزہ میں امدادی ٹرکوں کی تعداد میں معمولی اضافہ ہوا ہے مگر یہ اب بھی ان 600 ٹرکوں سے بہت کم ہے جن کا وعدہ کیا گیا تھا۔
