امارات کا غزہ میں ارضی رہائشی کمپاؤنڈ بنانے کا منصوبہ

ابوظہبی : متحدہ عرب امارات نے غزہ میں فلسطینیوں کے لیے عارضی رہائشی کمپاؤنڈ بنانے کا منصوبہ تیار کیا ہے جو اسرائیلی کنٹرول والے علاقے میں ہوگا۔ عارضی اماراتی ہاؤسنگ کمپلیکس رفح کے قریب، مصر کی سرحد کے نزدیک تعمیر کیا جائے گا۔ مصر اس منصوبے کی مخالفت کر چکا ہے قطر اور سعودی عرب بھی منصوبے کی مالی معاونت کے لیے محتاط ہیں ۔ رپورٹ کے مطابق عرب امارات امریکی انتظامیہ اور ٹرمپ کے بورڈ آف پیس کے ساتھ اس منصوبے پر رابطہ کر رہا ہے جس سے وہ غزہ میں اہم کردار ادا کرنے کی پوزیشن میں آ سکتا ہے۔ رپورٹ کے مطابق متحدہ عرب امارات، امریکا اور اسرائیل نے غزہ میں سرمایہ کاری کے ممکنہ مواقع پر بھی بات کی ہے، جس میں آفشور گیس ڈپازٹس شامل ہیں۔ رپورٹ کے مطابق مذاکرات ابتدائی نوعیت کے تھے، لیکن یہ ظاہر کرتے ہیں کہ یو اے ای غزہ میں اسرائیل کا ترجیحی شراکت دار بنتا جا رہا ہے۔