پیر محفوظ مشہدی کی بھکی شریف میں جلوس عید میلادالنبی(ص) پر حملے کی مذمت، مقدمہ درج کرنے کا مطالبہ

لاہور : جمعیت علمائے پاکستان سواد اعظم کے مرکزی صدر پیر محفوظ مشہدی نےبھکی شریف میں دارالعلوم محمدیہ نوریہ رضویہ سے نکلنے والے جلوس عید میلادالنبی پر دہشت گرد تنظیم کے غنڈوں کے پتھراؤ کی شدید مذمت کی ہے اور مطالبہ کیا ہے کہ شرپسندوں کے خلاف مقدمہ درج کرکے انہیں گرفتار کیا جائے۔ انہوں نے کہا کہ نقص امن کے خطرے کے باعث عاشقان مصطفی(ص) نے پولیس کی اپیل پر جلوس کا کچھ راستہ تبدیل کیا۔ انہوں نے بارہ ربیع الاول میلاد چوک سے منڈی چوک تک جلوس عید میلاد النبی کی قیادت کی۔جلوس کے دوران صوفی منظور احمد اورپیر شبیر عثمانی سمیت مختلف نعت خوان حضرات نے سید الانبیاء حضرت محمد مصطفی صلی اللہ علیہ وآلہ وسلم کی خدمت میں نذرانہ عقیدت پیش کیا ۔ جلوس میں مختلف مقامات پر مولانا عزیز احمد گوندل، مولانا محمد اسلم نقشبندی ، مولانا نور شاہ ، مولانا قیصر نواز اور دیگر نے بھی خطاب کیا۔جلوس کے انتظامی اور سیکورٹی امور کو انجمن نوجوانان اسلام کے رضاکاروں نے سنبھال رکھے تھے۔