Raza Musani 
تل ابیب : اسرائیل نے مصر اور عالمی ریڈ کراس کی ٹیموں کو غزہ میں یرغمالیوں کی لاشوں کی تلاش کے لیے اجازت دے دی ہے۔ مصر اور عالمی ریڈ کراس کی ٹیمیں اسرائیلی فوج کے زیرِ کنٹرول علاقے میں نام نہاد یلو لائن سے آگے بھی تلاش کر سکیں گی۔
حماس کے کچھ ارکان بھی ٹیموں کے ساتھ ہوں گے۔ گذشتہ روز لاشیں تلاش کرنے کیلئے مصر سے بھاری مشینری غزہ میں داخل ہوئی تھی۔ اس کی مدد سے بعض نئے مقامات پر یرغمالیوں کی لاشوں کی تلاش کی کارروائی کی جارہی ہے۔ اسرائیلی آرمی ریڈیو نے اطلاع دی ہے کہ تل ابیب مصر سے اضافی بھاری سامان غزہ میں داخل ہونے کی اجازت دے سکتا ہے تاکہ اسرائیلی یرغمالیوں کی لاشوں کی تلاش کو تیز کیا جا سکے۔ حماس اب تک اٹھائیس میں سے پندرہ لاشیں حوالے کرچکی ہے۔
