Raza Musani 
قاہرہ : غزہ میں امداد کا داخلہ روکنے میں پیش پیش مصر نے دعویٰ کیا ہے کہ اسے فلسطینی عوام کی نقل مکانی کسی صورت قبول نہیں ہے۔ مصری وزارت خارجہ نے ایک بیان میں کہا ہے کہ اسرائیلی پالیسی کامقصد فلسطینی سرزمین کو خالی کرنا، اس پر قبضہ کرنا اور مسئلے کو ختم کرنا ہے۔ بیان میں کہا گیا ہے کہ مصر فلسطینی عوام کو ان کی تاریخی سرزمین سے کسی بھی بہانے، جواز یا ناموں کے تحت نکالنا قطعی طور پر مسترد کرتا ہے۔ بیان کے مطابق یہ بیدخلی جبری یا رضاکارانہ نقل مکانی کی صورت میں ہو۔ بھوک کی پالیسیوں سے ہو، زمینوں پر قبضے اور آباد کاری سے ہو یا فلسطینی سرزمین پر زندگی کو ناممکن بنانے سے ہو ، اسے ہر صورت مسترد کیا جاتا رہے گا۔
بیان میں اس بات پر زور دیا گیا کہ مصر جبری نقل مکانی کو قبول نہیں کرے گا اور اس میں کسی صورت حصہ نہیں لے گا۔
