ڈونلڈ ٹرمپ ایران کی نئی تجاویز سے خوش نہیں، امریکی عہدیدار

واشنگٹن : امریکی عہدیدارنے دعویٰ کیا ہے کہ امریکی صدر ڈونلڈ ٹرمپ ایران کی نئی تجاویز سے خوش نہیں کیونکہ اس میں جوہری پروگرام سے متعلق کوئی واضح بات شامل نہیں۔ برطانوی نیوز ایجنسی رائیٹرز اور امریکی میڈیا رپورٹس کے مطابق امریکی صدر ڈونلڈ ٹرمپ نے اپنے مشیروں کے ساتھ اجلاس میں ایران کی تجویز پر عدم اطمینان کا اظہار کیا۔ رپورٹس کے مطابق ایران نے تجویز دی تھی کہ جنگ کے خاتمے تک تہران کے جوہری پروگرام پر بات چیت مؤخر کردی جائے جسے امریکا نے مسترد کر دیا۔ امریکا کا موقف ہےکہ جوہری معاملے کو مذاکرات کے آغاز میں ہی حل کیا جائے۔ رپورٹس میں کہا گیا ہے کہ اگر امریکا ایران کی بندرگاہوں پر پابندیاں اٹھا لیتا ہے تو اس سے مذاکرات میں واشنگٹن کا اہم دباؤ کم ہو سکتا ہے۔