غزہ پر سمندر، زمین، فضا سے تباہ کن بمباری، انٹرنیٹ اور مواصلاتی نظام تباہ، بڑے پیمانے پر شہادتیں

غزہ: اسرائیل غزہ کو صفحہ ہستی سے مٹانے پرتل گیا۔ سمندر ۔زمین اور فضا سے تباہ کن بمباری جاری ہے۔ اسرائیل کی بری فوج گولے برساتی ہوئی غزہ میں داخل ہوگئی۔ فلسطین کا انٹرنیٹ اور مواصلاتی نظام بھی تباہ کردیاگیا۔ بیت لاحیہ، بیت حنون، غزہ کے شمال مغربی اور وسطی علاقے اسرائیلی کی وحشت کا نشانہ بن رہے ہیں۔ اسرائیلی زمین فوج غزہ میں داخل ہوگئی۔ حماس کا کہنا ہے کہ اس کے سپاہی کئی مقامات پر اسرائیلی فوج کا مقابلہ کررہے ہیں۔غزہ کے سیٹلائٹ امیج نے بھی خوفناک اسرائیلی حملوں کی تصویر دکھادی۔ اسرائیلی بحریہ بھی غزہ پر خوفناک گولہ باری کررہی ہے۔ حملے اس قدر شدید ہیں کہ تباہ عمارتوں سے لاشوں اور زخمیوں کا نکالنا بھی ممکن نہیں۔ تازہ بمباری میں مجموعی طور پر 100 اسرائیلی طیارے شریک ہیں۔
گزشتہ چوبیس گھنٹوں کے دوران اقوام متحدہ کی ریلیف ایجنسی کے مزید 15 اہلکار بھی اسرائیلی حملوں میں مارے گئے۔
فلسطینی وزرات صحت کے مطابق رات گئے حملوں میں مزید ہزاروں افراد کے شہید ہونے کا خدشہ ظاہر کیا جارہا ہے۔ غزہ کے ہسپتالوں کی صورتحال انتہائی تشویشناک ہے۔زخمیوں کی تعداد میں مسلسل اضافہ ہورہا ہے۔ ہسپتالوں میں طبی سہولیات ناپید ہوچکی ہیں۔