احتجاج کے باوجود سوئیڈن میں ایک بار پھر پارلیمنٹ کے سامنے قرآن مجید نذر آتش

اسٹاک ہوم: دنیا بھر میں مسلمانوں کے شدید احتجاج کے باوجود سوئیڈن میں قرآن سوزی کا سلسلہ نہ رک سکا۔ملعون اسلام دشمنوں نے اسٹاک ہوم میں سویڈش پارلیمنٹ کے سامنے قرآن نذر آتش کردیا۔عراقی نژاد ملعون سلوان مومیکا اور اس کے ساتھی سلوان نجم نے قرآن پاک کو زمین پر پھینک کر ٹھوکریں ماریں اور پھر اس کےصفحات کو آگ لگادی۔ اس بار قرآن جلانے کی اجازت سلوان نجم نے حاصل کی تھی۔ دونوں ملعون قرآن کی توہین کرتے رہے اور پولیس گھناؤنے فعل کو تحفظ دیتی رہی۔ ملعون سلوان مومیکا کا کہنا ہےکہ ہم اسوقت تک قرآن جلاتے رہیں گے جب تک کہ سوئیڈن میں قرآن پر پابندی نہ لگا دی جائے۔