او آئی سی سے مقبوضہ کشمیر کے لوگوں کی مدد کے لیے انسانی راہداری قائم کرنے کا مطالبہ

مظفر آباد: آزاد جموں و کشمیر کے صدر سردار مسعود خان نے اسلامی تعاون تنظیم کے رکن ممالک سے مطالبہ کیا ہے کہ وہ مقبوضہ جموں و کشمیر کے لوگوں کی مدد کے لیے انسانی راہداری قائم کریں، او آئی سی آزاد انسانی حقوق کمیشن کے وفد سے ملاقات میں سردار مسعود نے کہا کہ او آئی سی ہیومن رائٹس کمیشن کی آخری رپورٹ کے بعد سے مقبوضہ کشمیر میں صورتحال میں نمایاں تبدیلیاں آئی ہیں جس کی وجہ سے کمیشن کے فوری اقدامات کی ضرورت مزید بڑھ گئی ہے، انہوں نے او آئی سی کی جانب سے فوری اقدامات کا مطالبہ کیا کہ وہ محصور کشمیریوں کو انسانی راہداریوں کے ذریعے ہنگامی امداد فراہم کرے اور کشمیری طلبا کو اپنی ریاست کے کسی بھی حصے یا دنیا کے کسی اور حصے میں تعلیم حاصل کرنے کے لیے اسکالر شپ دے تاکہ وہ اپنی تعلیم جاری رکھ سکیں۔