Raza Musani 
کابل: افغانستان کے امور میں ایران کے خصوصی نمائندے حسن کاظمی قمی نے افغانستان کی نگراں حکومت کے نمائندے سہیل شاہین سے ملاقات میں افغانستان کے عوام کے دفاع کو تہران کی سفارتکاری کی بنیاد قرار دیا ہے۔ ملاقات میں حسن کاظمی قمی نے ایران اور افغانستان کے عوام کے درمیان مشترکہ اقدار کی طرف اشارہ کرتے ہوئے کہا کہ سیاست سے ہٹ کر افغانستان کے عوام کا دفاع ایران کی سفارتکاری کی بنیاد ہے۔ انہوں نے کہاکہ اگر یورپ افغانستان کے عوام کی مدد کرنا چاہتا ہے تو اسے انسان دوستانہ امداد کو اپنے علاقائی تعلقات کیلئے یرغمال نہیں بنانا چاہئے۔
