Raza Musani 
اسلام آباد : نیشنل کمانڈ اینڈ آپریشن سینٹر نے 8 شہروں میں پابندیاں نرم کرنے کا اعلان کردیا، ان شہروں میں کوئٹہ، پشاور، اسلام آباد، راولپنڈی، میرپور، مظفر آباد، گلگت اور اسکردو شامل ہیں، سربراہ این سی او سی اسد عمر نے بتایا کہ ان شہروں میں ویکسی نیشن لیول ہائی ہونے کی وجہ سے پابندیاں نرم کی جارہی ہیں، یکم اکتوبر سے مکمل طور پر ویکسین نہ لگوانے والے بالغوں پر متعدد پابندیاں بھی عائد کی جائیں گی، ویکسین کورونا سے نجات کا واحد حل ہے، یکم اکتوبر سے جو پابندیاں لگائی جارہی ہیں وہ ویکسین نہ لگوانے والوں کے لیے ہوں گی، بندشوں کا فیصلہ وبا کا پھیلاؤ دیکھ کرکیا جاتا ہے، جن شہروں میں پابندیاں نرم کی جا رہی ہیں وہاں یکم اکتوبر سے انڈور اجتماعات میں 300لوگوں کو شرکت کی اجازت ہوگی، یکم اکتوبر سے آوٹ ڈور اجتماعات میں ہزار لوگوں کو شرکت کی اجازت ہوگی، مزارات مکمل طور پر کھولے جارہے ہیں، پورے ہفتہ شادیوں کی اجازت ہوگی، تمام ریسٹورانٹس کھلے رہیں گے، انہوں نے بتایا کہ40 فیصد سے کم ویکسی نیشن والےعلاقوں میں بندشیں لگائی جائیں گی، یکم اکتوبر سے پروازوں میں مسافروں کو کھانا فراہم کیا جائے گا، کراچی،لاہور، ملتان اور فیصل آباد، گوجرانوالہ، حیدرآباد، سکھر، بہالپور میں بھی پابندیاں 15 اکتوبر تک برقرار رہیں گی، ڈاکٹرفیصل سلطان نے بتایا کہ 12سال سے کم عمر کے بچوں کے لیے بھی ویکسی نیشن ہوگی۔ ویکسی نیشن مہم اچھی چل رہی ہے لیکن شہرویوں کی معاونت ضرورت ہے۔
