Raza Musani 
ویانا : ایٹمی توانائی ایجنسی میں ایران کے مستقل مندوب محسن نذیری اصل نے کہا ہے کہ ایران معاہدے کے مطابق ایٹمی انرجی کی عالمی ایجنسی کے ساتھ اپنا تعاون جاری رکھےگا۔ انہوں نے کہا کہ ایران نے ایک ذمہ دار ملک کی حیثیت سے ہمیشہ یہ اعلان کیا ہے کہ اس بات کے پیش نظر کہ امریکہ ایک ایسا فریق تھا جس نے معاہدے کی خلاف ورزی کی ہے لہذا واشنگٹن کی ذمہ دای ہے کہ پابندیوں کو ختم کرکے معاہدے میں واپس آجائے جبکہ اس کی جانب سے معاہدے کی پابندی کی سچائی کا پرکھا جانا بھی ضروری ہے۔ انہوں نےکہا کہ تہران نے آئی اے ای اے میں معاہدے سے متعلق تمام مسائل کا مستند اور مدلل جواب پیش کردیا ہے انہوں نے امید ظاہر کی کہ یہ ادارہ کسی جانبداری کے بغیر باقی ماندہ مسائل حل کرلے گا۔
