Raza Musani 
بیروت : حزب اللہ کے رہنما سید حسن نصر اللہ نے کہا ہے کہ بعض جماعتیں لبنان کو خانہ جنگی میں گھسیٹنے کی کوشش کررہی ہیں لیکن ہم وہاں نہیں جائیں گے جہاں یہ پارٹیاں ہمیں لے جانا چاہتی ہیں، ذاکرین اور نوحہ خوانوں سے ملاقات میں حسن نصراللہ نے تین نکات کی طرف اشارہ کیا جس پر دشمن کی جانب سے عمل کیا جارہا ہے ،جس میں حزب اللہ کا چہرہ بگاڑ کر پیش کرنا اور نمونۂ عمل کو نشانہ بنانا اور حزب اللہ کو خانہ جنگی میں دھکیلنا شامل ہے، انہوں نے حزب اللہ کے رکن علی شبلی الجیہ کی شہادت کی جانب اشارہ کرتے ہوئے کہا کہ ہم خون کو ضائع کرنا نہیں چاہتے، ہم کبھی اس جگہ قدم نہ رکھیں گے جہاں دشمن چاہتا ہو کیونکہ اس وقت حزب اللہ کا میدان میں قدم رکھ دینے کا مطلب خانہ جنگی ہے ، انہوں نے سعودی عرب کی طرف اشارہ کرتے ہوئے کہا کہ ایسے عناصر موجود ہیں جو ہمارے خلاف جنگ کے لئے اسلحہ فراہم کرنے کو تیار ہیں، انہوں نے حالیہ واقعات میں مطلوبہ عوامی ردعمل کی ماہیت و مزاحمتی محاذ کے حامیوں کی آگاہی کو سراہا اور دشمن کے تیسرے منصوبے پر روشنی ڈالتے ہوئے کہا کہ وہ اقتصادی جنگ ہے جو قطعاً اتفاقی نہیں اور اس کے مقابلے کے لئے ہمیں ثابت قدم و سنجیدہ ہونا ہو گا۔
