Raza Musani 
اسلام آباد : پاکستانی سیکیورٹی فورسز نے افغانستان سے دہشتگردوں کی پاک افغان سرحد پرآہنی باڑ عبور کرنے کی کوشش ناکام بنادی۔ فوجی جوانوں اور دہشت گردوں کے درمیان فائرنگ کے تبادلے میں 2 فوجی جوان شہید ہوگئے۔ آئی ایس پی آر کے مطابق پاک افغان سرحد پرآہنی باڑ عبور کرنے کی کوشش پر فوجی جوانوں نے دہشت گردوں کو فوری جواب دیا اورکوشش ناکام بنائی۔ شہدا میں لانس نائیک اسد اور سپاہی آصف شامل ہیں۔آئی ایس پی آر کا کہنا ہے کہ پاکستان دہشتگردوں کی جانب سے افغان سرزمین کے استعمال کی مذمت کرتا ہے اور پاکستان توقع کرتا ہے افغان حکومت پاکستان مخالف سرگرمیوں کی اجازت نہیں دے گی۔
