Raza Musani 
راولپنڈی : شمالی اور جنوبی وزیرستان میں سیکیورٹی فورسز اور دہشت گردوں میں جھڑپوں کے نتیجے میں 12 دہشت گرد ہلاک ہو گئے۔ جبکہ جھڑپوں میں چھ سیکورٹی اہلکار بھی شہید ہوئے۔ ترجمان پاک فوج کا کہنا ہے کہ سیکیورٹی فورسز اور دہشت گردوں کے درمیان جھڑپوں کے 2 واقعات پیش آئے. پاک افغان سرحد پر سات دہشت گردوں کی نقل و حرکت دیکھی گئی۔ دہشت گردوں کا گروپ پاکستان میں دراندازی کی کوشش کر رہا تھا، سیکیورٹی فورسز نے شمالی وزیرستان کے علاقے اسپن وام میں ان دہشت گردوں کا پتہ لگایا۔ دوسرا واقعہ جنوبی وزیرستان کے علاقے لدھا میں پیش آیا، دہشت گردوں کے گروپ نے لدھا میں سیکیورٹی فورسز کی چیک پوسٹ پر حملہ کیا، سیکیورٹی فورسز نے مقابلہ کرتے ہوئے پانچ دہشت گردوں کو ہلاک کیا۔
