Raza Musani 
پیرس : برطانیہ، فرانس اور جرمنی نے کہا ہے کہ وہ ایران اور امریکہ کے ساتھ تعطل کا شکار مذاکرات دوبارہ شروع کرنا چاہتے ہیں، تاکہ ایک جامع اور پائیدار معاہدے تک پہنچا جا سکے۔ یورپی ممالک نے مشترکہ بیان میں کہا کہ ان کی کوششوں کا مقصد ایک ایسا قابلِ تصدیق معاہدہ طے کرنا ہے جو اس بات کی ضمانت دے کہ ایران کبھی جوہری ہتھیار حاصل نہ کرے۔ یہ پیش رفت ایران پر پابندیوں کے بحال ہونے کے ایک ماہ سے زائد عرصہ بعد سامنے آئی ہے۔ ایران نے مغربی ممالک کی اس پیشکش کو مسترد کر دیا ہے۔
ایرانی وزارتِ خارجہ کے ترجمان اسماعیل بقائی نے کہا ہے کہ اس مرحلے پر مذاکرات کا کوئی منصوبہ نہیں اور تہران اس وقت اقوام متحدہ کی پابندیوں کی بحالی کے نتائج اور اثرات کا جائزہ لے رہا ہے۔جب بھی ہمیں محسوس ہوگا کہ سفارت کاری مؤثر ثابت ہو سکتی ہے، ہم ملک کے مفادات اور ترجیحات کی بنیاد پر فیصلے ضرور کریں گے۔
