Raza Musani 
ڈھاکا : بنگلہ دیش کی بین الاقوامی جرائم عدالت نے پندرہ فوجی اہلکاروں کی گرفتاری اور قید کا حکم دیا ہے ان میں چودہ حاضر سروس افسران شامل ہیں۔ ڈھاکہ میں قائم انٹرنیشنل کرائمز ٹریبونل میں جبری گمشدگی اور قتل کے الزامات کے تحت ملزمان کیخلاف کیس کی سماعت ہوئی۔
ٹربیونل نے مقدمات میں مفرور سابق رہنما شیخ حسینہ اور ان کے سیکیورٹی مشیر کے ساتھ ساتھ دیگر افراد کو پیش کرنے اور ان کے خلاف اشتہارات شائع کرنے کا حکم دیا۔ چیف پراسیکیوٹر تاج الاسلام نے تین مختلف مقدمات میں فیصلے کی تفصیلات صحافیوں کے ساتھ شیئر کیں۔ وکیل دفاع بیرسٹر ایم سرور حسین نے صحافیوں کو بتایا کہ جن لوگوں نے قتل اور جبری گمشدگی سمیت دیگر جرم کا ارتکاب کیا ہے وہ ہمسایہ ملک بھارت فرار ہو گئے ہیں۔ خود کو حوالے کرنے والے افسران بے گناہ ہیں اور یہ عدالت کے ذریعے ثابت کیا جائے گا۔
