Raza Musani 
سرگودھا: عالم اسلام کے عظیم فقیہہ، مجتہد، مفسر قرآن آیت اللہ محمد حسین نجفی 91 سال کی عمر میں انتقال کرگئے۔ علامہ محمد حسین نجفی قدیم تعلیمی درس گاہ سلطان المدارس سرگودھا سے منسلک رہے۔ علامہ محمد حسین نجفی مرحوم کی نماز جنازہ آج شام چھ بجے سرگودھا سلطان المدارس محمدیہ میں ادا کی جائے گی۔ بزرگ عالم دین آیت اللہ محمد حسین نجفی تمام عمر دین کی اشاعت و ترویج میں مشغول رہے، علامہ محمد حسین نجفی کی خدمات تادیر یاد رکھی جائیں گی۔ علامہ محمد حسین نجفی درجنوں کتب کے مصنف بھی تھے۔ علامہ سید ساجد علی نقوی سمیت دیگر علماء نے علامہ محمد حسین نجفی کی وفات پر گہرے دکھ کا اظہار کیا ہے۔
