Raza Musani 
غزہ: اسرائیلی فوج نے غزہ اور مغربی کنارے میں مزید تین فلسطینی شہید کردئے۔ جبکہ غزہ سے لائی گئی تینوں لاشوں کی شناخت کی تصدیق کردی۔ صیہونی فوج نے مختلف مقامات پر ڈرون حملے کئے جس میں ایک فلسطینی شہید اور چار فلسطینی زخمی ہوگئے۔ دوسری جانب الشجاعیہ میں اسرائیلی فوج نے زرد لکیرعبور کرنے کےالزام میں نوجوان فلسطینی کو ڈرون حملے میں نشانہ بنایا۔ جنگ بندی کے بعد شہید کئے گئے فلسطینیوں کی تعداد دو سو چھتیس ہوگئی ہے۔
آبادکاروں کے بھی مغربی کنارے میں حملے جاری ہیں۔ جہاں الخلیل میں ایک پینتیس سالہ فلسطینی کو فائرنگ کرکے شہید کردیا گیا۔
ادھر اسرائیلی حکام نے حماس کی جانب سے حوالے کی گئی تینوں لاشوں کی شناخت کی تصدیق کردی ہے جس میں امریکی نژاد کیپٹن عمر میکسم نیوٹرا بھی شامل ہے۔ جبکہ دو کی شناخت کرنل عساف حمامی اور اسٹاف سارجنٹ اوز ڈینیئل کے نام سے ہوئی ہے۔
