Raza Musani 
صنعا: بحیرہ احمر میں یمنی کشتیوں پر حملے کے بعد یمن اور امریکا میں براہ راست جنگ کے بادل منڈلانے لگے۔ امریکی نیوی نے انصار اللہ کی تین چھوٹی کشتیاں تباہ کردیں اور دس اہلکار شہید اور دو زخمی ہوئے۔ جو بچ جانے والے چار اہلکاروں کے ساتھ چوتھی کشتی میں روانہ ہوگئے۔ امریکی فوج کا کہنا ہے کہ یہ کارروائی حدیدہ کے قریب سمندر میں چھوٹے جہاز کو روکنے کی کوشش پر کی گئی۔
انصار اللہ نے امریکا کو شدید ردعمل سے خبردار کیا ہے اور کہا ہے کہ وہ امریکا کے ساتھ بڑے پیمانے پر لڑائی اور مشرق وسطیٰ میں امریکی فوجی اڈوں کو نشانہ بنانے کے لیے تیار ہیں۔ جو ایک دہائی سے یمن کے خلاف استعمال ہو رہا ہے۔
یمن کے وزیر اطلاعات نے ایک بیان میں کہا ہے کہ شہادتوں کے باوجود یمن کے موقف میں کوئی تبدیلی نہیں آئے گی۔ ہمارا عزم امریکہ اور برطانیہ کے اقدامات کی وجہ سے کبھی متزلزل نہیں ہوگا۔
ضیف اللہ الشامی نے کہا کہ یمن کا خون فلسطینی عوام کے خون سے زیادہ قیمتی نہیں ہے۔ یمنی عوام اور مسلح افواج فلسطینی عوام کے ساتھ ہیں۔
