Raza Musani 
صنعا : یمن میں مآرب صوبہ ہاتھ سے نکلتے دیکھ کر مفرور صدر منصور ہادی کی قابض حکومت اور اس کی اتحادی ملیشیا میں کھلبلی مچ گئی۔ اور انہوں نے واویلا شروع کردیا ہے۔ نام نہاد وزیر خارجہ احمدعواد نے دعویٰ کیا ہے کہ سقوط مآرب سیاسی اور امن عمل کا خاتمہ ہوگا۔ اور اس کے نتیجے میں خوفناک انسانی صورتحال پیدا ہوجائے گا۔ یمنی فوج اور رضاکار فورسز مآرب کے دروازے پر پہنچ گئی ہیں اور مآرب اور صرواح کے سنگم پر واقع علاقہ روضہ ذنہ میں گھمسان کی جنگ ہورہی ہے۔ مآرب کے کئی قبائل بھی یمنی فوج کے ساتھ شامل ہوگئے ہیں۔ جارح سعودی اتحاد کے جنگی طیارے پیشقدمی روکنے کیلئے مسلسل بمباری کررہے ہیں اور علاقے میں مزید فوجی ساز و سامان پہنچا دیئے ہیں۔ ماہرین کا کہنا ہے کہ اگر یہ صوبہ پوری طرح آزاد ہوگیا تو یمن میں جارح سعودی اتحاد کا کام تمام ہوجائے گا۔ یمنی فوج نے فروری میں مآرب کا قبضہ چھڑانے کا آپریشن شروع کیا تھا.
