سردیاں قریب آتے ہی غزہ میں بحران شدت اختیار کررہا ہے، انروا

جنیوا: اقوام متحدہ نے خبردار کیا ہے کہ جیسے جیسے سردی قریب آرہی ہے۔ غزہ میں انسانی بحران تیزی سے بگڑ رہا ہے۔ لاکھوں بے گھر افراد شدید خطرے میں ہیں۔
اقوام متحدہ کی ریلیف ایجنسی انروا نے کہا ہے کہ پناہ گاہوں اور سرد موسم سے بچاؤ کے لیے ضروری سامان اردن اور مصر میں موجود گوداموں میں پھنسا ہوا ہے، کیونکہ اسرائیلی حکام انہیں غزہ میں داخل ہونے نہیں دے رہے۔ ادارے نے ایک بیان میں کہا کہ غزہ میں موسم سرما کے قریب آتے ہی پناہ اور حرارت کی ضرورت بڑھتی جارہی ہے۔
انروا کے بیان میں کہاگیاہےکہ غزہ میں کم از کم پندرہ لاکھ افراد کو فوری انسانی امداد کی ضرورت ہے اپنے تباہ شدہ گھروں کو لوٹنے والے فلسطینی صرف ملبہ، بھوک اور پانی کی شدید قلت کے درمیان زندگی گزارنے پر مجبور ہیں۔