Raza Musani 
صنعا: انصار اللہ یمن نے غزہ میں جاری انسانی بحران کے جواب میں اسرائیل کے خلاف فوجی کارروائیوں میں اضافے کے منصوبے کا اعلان کردیا۔
انصار اللہ نے ایک بیان میں دنیا بھر کے ممالک سے مطالبہ کیا ہے کہ وہ صیہونی حکومت پر دباؤ ڈالیں کہ وہ اپنی جارحیت بند کرے اور غزہ کی ناکہ بندی کو ہٹائے تاکہ مزید کشیدگی کو روکا جا سکے۔ انہوں نے اس بات پر زور دیا کہ اسرائیل پر حملے تیز کرنے کا ان کا فیصلہ فلسطینی عوام کے مصائب کا ازالہ کرنے کے لیے ان کی اخلاقی اور انسانی ذمہ داری ہے۔
انہوں نے کہا کہ اسرائیل کی بحری ناکا بندی کا چوتھا مرحلہ نافذ کردیا ہے۔ اس مرحلے میں ایسے بحری جہازوں کو نشانہ بنائیں گے جو ایسی کمپنیوں کی ملکیت ہوں جو اسرائیلی بندر گاہوں کے ساتھ کاروبار کرتی ہیں۔ چاہے ان کا تعلق کسی بھی ملک سے ہو اور ان کی منزل کہیں بھی ہو۔
