Raza Musani 
جدہ : سعودی عرب میں مقابلہ حسن قرأت میں ایرانی اور سعودی قاریوں نے ٹاپ پوزیشن حاصل کر لی۔ غیر ملکی میڈیا کی رپورٹ کے مطابق، ایرانی قاری یونس شاہ مرادی نے قرآن کی تلاوت کے مقابلے میں پہلی پوزیشن حاصل کرکے 8 لاکھ ڈالرز کی انعامی رقم جیت لی، دوسری پوزیشن سعودی قاری عبدالعزیز الفقیہ نے حاصل کی جنہیں پانچ لاکھ ڈالرز کی انعامی رقم دی گئی۔ اذان کے مقابلے میں سعودی عرب کے محمد الشریف نے پہلی پوزیشن حاصل کی جنہیں پانچ لاکھ ڈالرز انعام دیا گیا جبکہ انڈونیشیا کے دایا الدین بن نذیر الدین نے دوسری پوزیشن حاصل کی جنہیں دو لاکھ 67 ہزار ڈالرز کا انعام دیا گیا۔
