Raza Musani 
اسلام آباد: امریکی وزیر خارجہ انٹونی بلنکن نے پاکستانی ہم منصب بلاول بھٹو زرداری سے ٹیلی فونک رابطے میں معاشی ترقی کے لیے شراکت داری جاری رکھنے کے عزم کا اعادہ کیا۔ پاکستان اور امریکا کے وزرائے خارجہ نے تعلقات، امن و سلامتی اور ترقی کے فروغ کے لیے تعمیری روابط جاری رکھنے پر اتفاق کیا۔ امریکی وزیر خارجہ انتونی بلنکن نے یقین دہانی کرائی کہ تکنیکی اور ترقیاتی اقدامات کے لئے پاکستان کیساتھ مسلسل رابطہ میں رہیں گے۔ انہوں نےکہا کہ پاکستان کی اقتصادی ترقی امریکا کی اولین ترجیحات میں شامل ہے۔ امریکی وزیر خارجہ نے تسلیم کیا کہ پاکستان عوام دہشت گردی سے بری طرح متاثر ہوئے ہیں، انسداد دہشت گردی کے لیے پاکستان کے ساتھ مسلسل شراکت کو مضبوط بنائیں گے۔ پاکستان کے ساتھ بھرپور تجارتی اور انویسٹمنٹ کے حوالے سے تعلق کو فروغ دیں گے ٹیلی فون گفتگو میں روس یوکرین جنگ اور افغانستان کی صورتحال پر بھی تبادلہ خیال کیا گیا۔
