امریکی مداخلت مغربی ایشیا میں بحران کا بنیادی سبب ہے، سید حسن نصر اللہ

بیروت: حزب اللہ کے سیکریٹری جنرل سید حسن نصر اللہ نے مغربی ایشیا میں امریکی مداخلت اور فوجی موجودگی کو عدم تحفظ، بحران اور افراتفری کا بنیادی سبب قرار دیا ہے۔ مرحوم اسکالر شیخ عفیف النبلسی کی یاد میں منعقدہ تقریب سے خطاب میں حسن نصر اللہ نے کہاکہ امریکہ کی مداخلت پسندانہ پالیسیاں علاقائی پریشانیوں کی جڑ ہیں کیونکہ واشنگٹن تمام معاملات میں کھلم کھلا مداخلت کرنا چاہتا ہے۔امریکا کے سامنے سرتسلیم خم کرنے کے کلچر نے مسئلہ میں اضافہ کر دیا ہے۔ حزب اللہ کے سربراہ نے شام کے خلاف امریکہ اور اس کے مغربی اتحادیوں کی یکطرفہ پابندیوں کی مذمت کرتے ہوئے اس بات پر زور دیا کہ دمشق حکومت کو غیر ملکی انسانی امداد کی ضرورت نہیں ہوتی اگر 2019 میں سیزر ایکٹ منظور نہیں ہوتا۔