Raza Musani 
تہران : ولی امر مسلمین آیت اللہ العظمی سید علی خامنہ ای نے اپنے پیغام میں سوئیڈن میں قرآن کریم کی بے حرمتی کے واقعے کو ایک تلخ، سازشی اور خطرناک اقدام قرار دیتے ہوئے زور دیا کہ اس جرم کے مرتکب گستاخ کے لئے سخت ترین سزا پر تمام علمائے اسلام کا اتفاق ہے۔ سوئیڈن کی حکومت کو چاہیے کہ وہ گستاخی کے مرتکب شخص کو اسلامی ممالک کے عدالتی نظام کے حوالے کرے۔ سوئیڈن کی حکومت کو بھی معلوم ہونا چاہیے کہ اس نے گستاخ کی حمایت کرکے عالم اسلام کے خلاف جارحانہ موقف اختیار کر کے مسلم اقوام اور ان کی کئی حکومتوں کی نفرت اور دشمنی مول لی ہے۔ انہوں نے کہا کہ سویڈش حکومت کا فرض ہے کہ وہ اس جرم کے مرتکب کو اسلامی ممالک کے عدالتی نظام کے حوالے کرے۔
پس پردہ سازش کرنے والوں کو بھی یہ جان لینا چاہیے کہ قرآن کریم کی حرمت اور شان میں روز بروز اضافہ ہوتا جائے گا اور اس کی رہنمائی کے چراغ مزید روشن ہوتے جائیں گے۔
اس طرح کی سازشیں اور اس کے مرتکب عناصر اس سے کہیں پست تر ہیں کہ وہ قرآن مجید کی روز بروز بڑھتی ہوئی شان اور عظمت کو روک سکیں۔
