Raza Musani 
بغداد : عراقی حکومت نے قرآن سوزی پر سویڈش سفیر کو فوری طور پر ملک بدر کردیا ہے۔ عراقی وزیراعظم شیاع السوڈانی نے سویڈش سفیر کو فوری طور پر عراق سے نکل جانے کا حکم دیا جبکہ اسٹاک ہوم سے اپنے ناظم الامور کو واپس بلالیا ہے۔ عراقی حکومت نے سویڈش ٹیلی کام کمپنی ایرکسن کا ورک پرمٹ معطل کردیا ہے۔ اس سے پہلے بغداد میں سینکڑوں افراد نے سویڈش سفارت خانےکے سامنے جمع ہوکر احتجاج کیا۔ مظاہرے کے دوران مظاہرین کی بڑی تعداد سفارتخانے میں گھس گئی اور توڑ پھوڑ کے بعد عمارت کو آگ لگا دی۔ درجنوں افراد سفارتخانے کے کمپلیکس کی دیوار پر پھلانگ کر اندر داخل ہوئے جبکہ سامنے کا دروازہ بھی توڑدیا۔ احتجاج کی اپیل مقتدیٰ الصدر نے دی تھی۔
