Raza Musani 
کابل: طالبان نے اپنے پہلے اور واحد ہزارہ کمانڈر مولوی مہدی کو گولیاں مارکر شہید کردیا۔ مولوی مہدی کو کچھ سال قبل ہی طالبان نے بطور کمانڈر شامل کیا تھا ۔شیعہ مکتبہ فکر اور ہزارہ برادری سے تعلق رکھنے والے مولوی مہدی کی شمولیت کو طالبان کی پالیسیوں میں تبدیلی اور مذہبی اقلیتوں کے لیے نرم گوشہ رکھنے سے تعبیر کیا گیا تھا۔ مولوی مہدی کو ہزارہ کمیونیٹی کے اکثریتی صوبے کا کمانڈر انچیف مقرر کیا گیا تھا تاہم ان کے اور حکومت کے درمیان فاصلے بڑھتے جارہے تھے۔ مولوی مہدی کو صوبے ہرات میں ایرانی سرحد کے قریب گولیاں مار کر شہید کیا گیا۔ طالبان حکومت کی وزارت دفاع نے مولوی مہدی کی ایران فرار ہونے کے دوران فائرنگ کے تبادلے میں شہادت کی تصدیق کی۔
