Raza Musani 
تل ابیب : اسرائیل کی سپریم کورٹ نے متنازع عدالتی ترامیم کا قانون نامعقول قرار دیتے ہوئے کالعدم قرار دے دیا۔ سپریم کورٹ نے عدلیہ کے اختیارات محدود کرنے سے متعلق عدالتی اصلاحات کا قانون غیر آئینی قرار دے دیا۔ فیصلے کے مطابق نتین یاہو حکومت کا پیش کردہ قانون عدالتی آزادی پر حملہ اور انصاف تک رسائی کے بنیادی حقوق سے متصادم ایک نامعقول اقدام ہے۔ عدالت کے مطابق کابینہ کا فیصلہ بدنیتی پر مبنی لگتا ہے۔ اسرائیلی وزیراعظم نتین یاہو نے فیصلے پر افسوس کا اظہار کرتے ہوئے کہا ہے کہ عدالت کا فیصلہ حکومت کے معاملات میں مداخلت کے مترادف ہے جس سے اہم فیصلوں کی راہ میں رکاوٹ کھڑی کرنےکا تاثر پیدا ہوتا ہے.
