سوڈان کے معاملے کو غزہ بورڈ آف میں پیش کرنے کا منصوبہ

واشنگٹن : ٹرمپ انتظامیہ نے سوڈان کے معاملے کو بھی غزہ بورڈ آف پیس اور سلامتی کونسل میں پیش کرنے کا منصوبہ بنالیا۔ امریکا کے سینئر مشیر برائے عرب اور افریقی امور ماساد بولوس نے بتایا کہ اگر سوڈان کی متحارب جماعتیں امن منصوبے سے اتفاق کر لیں تو اسے سکیورٹی کونسل اور بعد ازاں بورڈ آف پیس کے سامنے پیش کیا جائے گا۔ انہوں نے کہا کہ بورڈ آف پیس اس عمل میں دلچسپی رکھتا ہے اور اضافی سیاسی حمایت فراہم کرے گا۔ بولوس نے وضاحت کی کہ بورڈ آف پیس کی کوششیں اور اقوام متحدہ کے اقدامات مکمل طور پر یکجا ہیں اور ایک دوسرے پر اثر انداز نہیں ہوتیں۔ انہوں نے مزید کہا کہ امریکا، مصر، سعودی عرب اور متحدہ عرب امارات پر مشتمل چار ملکی گروپ نے اس جامع امن منصوبے پر اتفاق کیا ہے جبکہ اقوام متحدہ نے شہریوں کی محفوظ واپسی کے لیے اہم شہروں سے فوجی انخلاء کے طریقہ کار کا تعین کیا ہے، جس پر فریقین نے اصولی طور پر اتفاق کیا ہے۔