نسل کشی کی نئی شکل، اسرائیل نے غزہ میں بارود سے بھرے کھلونے اور گڑیائیں پھیلادیں

غزہ : صیہونی فوج نے غزہ میں بچوں کی نسل کشی کیلئے بارود سے بھرے کھلونے اور گڑیاں جگہ جگہ پھیلادیں۔
غزہ کے ڈائریکٹر جنرل صحت منیر البرش نے دعویٰ کیا ہے کہ اسرائیلی فوج نے بچوں کو راغب کرنے کے لیے تباہ شدہ عمارتوں اور مکانات میں بارود سے سے بھری گڑیاں پرندے اور چھوٹے چھوٹے ٹیڈی بیئر رکھ دئے جس سے نسل کشی کی ایک نئی لہر سامنے آئی ہے۔ انہوں نے کہا کہ تنگ گلیوں اور مکانات کے ملبے میں راکٹ کے باقیات اور غیر پھٹے شیل روزانہ بچوں کو زخمی کرتے ہیں، اور ہر روز اسپتالوں میں چھوٹے بچوں کے ٹوٹے ہوئے جسم، ہاتھ پاؤں اور بگڑے ہوئے چہرے پہنچتے ہیں۔