قرآن کی توہین پر مشترکہ ردعمل دینا چاہئے، آیت اللہ اعرافی کا شیخ الازہر کوخط

قم : حوزہ ہائے علمیہ قم کے مدیر آیت اللہ علی رضا اعرافی نے ڈاکٹر احمد الطیب شیخ الازہر کو ایک خط ارسال کیا ہے جس میں توہین قرآن کیخلاف بھرپور ردعمل کی استدعا کی گئی ہے۔ آیت اللہ اعرافی نے دشمن ممالک کی مصنوعات کے بائیکاٹ، ان کے ساتھ تعلقات کا جائزہ لینے پر زور دیا ہے۔ انہوں نے کہاکہ ڈنمارک اور سوئیڈن جیسے ممالک کے خلاف سنجیدہ موقف، مربوط اور فیصلہ کن اقدام، بین الاقوامی اداروں اور اسلامی حکومتوں کی جانب سے اس کی روک تھام کے لئے بین الاقوامی سطح کا قانون وضع کرنے اور اس کی منظوری کے لیے کوششوں کو بروئے کار لانا چاہئے۔
انہوں نے تمام حکومتوں، دینی علمی مراکز اور مسلم اقوام کو اسلام اور الہامی مذاہب کی تعلیمات پر مبنی ایک مشترکہ الہی اور توحیدی گفتگو کے لئے بین الاقوامی سطح کے فورم کی تشکیل کو ضروری قرار دیا۔ قدیم ملک مصر اور دینی و علمی مراکز بالخصوص جامعہ الازہر کی ممتاز حیثیت ایک باوقار، فیصلہ کن اور موثر ہوگا۔