Raza Musani 
کراچی : مجلس وحدت مسلمین پاکستان کراچی ڈویژن کے وفد نے امیر جماعت اسلامی کراچی حافظ نعیم الرحمن سے ملاقات کی اور شہر قائد کے مسائل کے حل کے لئے تفصیلی گفتگو کی۔ وفد کی قیادت صدر کراچی مولانا شیخ محمد صادق جعفری نے کی، ملاقات میں دونوں رہنماؤں نے شہر قائد میں بلدیاتی الیکشن کے مسلسل تعطل پرتشویش کا اظہار کیا اور سندھ حکومت کے رویہ کو افسوسناک اور قابل مذمت قرار دیتےہوئے کہاکہ شہر کے گھمبیر عوامی مسائل کا حل فقط بااختیار اور بلدیاتی نظام میں ہی مضمر ہے، جمہوری اقدار کی علمبردار سیاسی جماعت کی جانب سے بلدیاتی الیکشن سے مسلسل فرار ناقابل فہم ہے۔ دونوں جماعتوں کے رہنماؤں نے ملاقات کو خوش آئند قرار دیتے ہوئے آئندہ بھی مل بیٹھنے پر اتفاق کیا۔
