یمن میں قتل عام کے خلاف امریکی عدالت میں کیس دائر

واشنگٹن : سات یمنی شہریوں پر مشتمل گروپ نے امریکا کی ایک مقامی عدالت میں متعدد امریکی سیاستدانوں اور اسلحہ ساز کمپنیوں کے خلاف جنگی جرائم اور قتل عام کا کیس درج کرادیا ہے۔ مقدمے میں 2015 میں ایک شادی کی تقریب 2016 میں جلوس جنازہ پر فضائی حملے اور 150 لوگوں کے قتل عام پر سعودی ولیعہد محمد بن سلمان اور امارات کے صدر کے ملوث ہونے کے ثبوت بھی پیش کئے گئے ہیں۔ امریکہ کے وزیرخارجہ انٹونی بلنکن اور وزیر جنگ لائد آسٹن کا نام بھی اس عرضی میں شامل ہے جبکہ امریکہ کی رے تھیان، لاکہیڈ مارٹن اور جنرل ڈائنامکس اسلحہ ساز کمپنیوں کو بھی یمن میں قتل عام میں تعاون کا ذمہ دار ٹہرایا گیا ہے۔