Raza Musani 
کراچی : کراچی، لاہور اور پشاور سمیت ملک بھر میں 9 محرم الحرام کے جلوس برآمد ہو کر اپنے روایتی راستوں پر رواں دواں ہیں جو اپنی منزل پر پہنچ کر اختتام پزیر ہوں گے۔ کراچی میں نومحرم کا جلوس نشترپارک سے برآمد ہوا۔ مجلس سے علامہ شہنشاہ حسین نقوی نے خطاب کیا۔ جلوس روایتی راستوں سے ہوتا ہوا حسینیہ ایرانیان پر اختتام پذیر ہوگا۔ جلوس کے مقررہ روٹ پر تمام ملحقہ راستے سیل کیے گئے ہیں جبکہ جلوس کے شرکاء کے لیے مرکزی واک تھرو گیٹ نصب کیا گیا ہے۔ دارالحکومت اسلام آباد میں مرکزی جلوس امام بارگاہ اثناء عشری جی 6 سے برآمد ہوا اور جو واپس اسی امام بارگاہ میں پہنچ کر اختتام پزیر ہو گا۔ لاہور۔ پشاور سمیت ملک کے ہر چھوٹے بڑے شہر میں عزاداری سید الشہدا کا سلسلہ جاری ہے۔ مجالس کا انعقاد اور جلوس برآمد کئے جارہے ہیں
