Raza Musani 
واشنگٹن: عرب دنیا کے ستاسی فیصد شہریوں نے اسرائیل کو تسلیم کرنے کی مخالفت کردی۔ صرف چھ فیصد افراد نے اسرائیل کی حمایت کا اظہار کیا۔ عرب سینٹر واشنگٹن ڈی سی کے سروے میں شہریوں نے کہا کہ جب تک اسرائیل کی نو آبادیاتی نوعیت برقرار رہے گی، اسے تسلیم نہیں کیا جاسکتا۔ عرب اوپینین انڈیکس میں 15 عرب ممالک کے 40 ہزار سے زائد افراد سے سیاست، معیشت اور شناخت سمیت مختلف موضوعات پر رائے لی گئی۔ اسرائیل کو تسلیم کرنے کی سب سے زیادہ مخالفت لیبیا میں 96 فیصد، اردن میں 95 فیصد، کویت میں 94 فیصد اور فلسطین میں 91 فیصد ریکارڈ کی گئی۔ جائزے کے مطابق 28 فیصد افراد نے اسرائیل کو اپنے ملک کے لیے اولین خطرہ قرار دیا۔ مشرقی عرب میں امریکا اور ایران دونوں کو 16 فیصد کے ساتھ دوسرا بڑا خطرہ سمجھا گیا۔
