سری نگر (نیٹ نیوز) ضلع پلوامہ میں بھارتی فورسز نے مزید 2 کشمیری نوجوان شہید کر دیے۔ کشمیر میڈیا سروس کے مطابق قابض بھارتی فوج نے مقبوضہ وادی میں نام نہاد سرچ آپریشن کی آڑ میں ایک بار پھر بربریت کا مظاہرہ کیا۔ قابض فورس نے ضلع پلوامہ میں سرچ آپریشن کے دوران فائرنگ کر کے 2 کشمیری نوجوانوں کو شہید کر دیا۔ قابض بھارتی فورسز نے وادی میں موبائل اور انٹرنیٹ سروس بھی معطل کر دی جبکہ ضلع کے داخلی اور خارجی راستے بھی بند کر دیئے گئے ہیں۔ واضح رہے کہ 2 روز قبل بھی بھارتی فوج نے سری نگر میں ہی سرچ آپریشن کے دوران 3 کشمیری نوجوانوں کو گولیاں مار کر شہید کر دیا تھا۔
