Raza Musani 
کابل : طالبان حکومت نے پاکستان پر افغانستان میں دو فضائی حملوں میں خواتین اور بچوں کو ہلاک کرنے کا الزام عائد کردیا۔ طالبان حکومت کے ترجمان ذبیح اللہ مجاہد نے کہا ہے کہ پاکستانی طیاروں نے صوبہ پکتیکا کے ضلع برمل کے علاقے لامان اور صوبہ خوست کے ضلع سپیرا میں گھروں کو نشانہ بنایا۔ پکتیکا میں تین خواتین اور تین بچے جبکہ خوست میں دو خواتین جاں بحق ہوگئیں۔ خیال رہے یہ وہ علاقے ہیں جو پاکستان کی سرحد کے نزدیک ہیں اور کئی پاکستانی قبائل بھی افغانستان کے اندر تک کے علاقے میں رہائش رکھتے ہیں۔ حکومتی ترجمان ذبیح اللہ مجاہد نے تحریک طالبان پاکستان کے دہشت گردوں کی موجودگی کا دعویٰ مسترد کردیا۔انہوں نے کہا کہ افغان سرزمین پاکستان سمیت دیگر ممالک کے خلاف استعمال کرنے کی اجازت نہیں ہے۔
