اسرائیلی فضائی حملوں میں 2 دنوں میں 45 بچے مارے گئے، یونیسیف

جنیوا : یونیسیف کی سربراہ کیتھرین رسل نے کہا کہ صرف دو دنوں میں اسرائیلی فضائی حملوں میں پینتالیس بچوں کی موت سے دنیا کو صدمہ ہونا چاہیے۔ اس کے بجائے وہ بچوں کے قتل عام کو بےحسی سے دیکھ رہی ہے۔ یونیسیف کی سربراہ کیتھرین رسل نے اسرائیلی فضائی حملوں میں پچاس بچوں کی ہلاکت کی مذمت کی ہے اور اسے غیرمعمولی قرار دیا ہے۔ انہوں نے کہا کہ غزہ میں بچے کہیں بھی محفوظ نہیں ہیں یہ وحشت اب ختم ہونی چاہیے۔ انہوں نے غزہ میں دس لاکھ سے زائد بچوں کو درپیش سنگین انسانی حالات کے بارے میں بھی خبردار کیا۔ کیتھرین رسل نے کہا کہ غزہ میں 10 لاکھ سے زائد بچے بھوک کا شکار ہیں۔ وہ خوراک۔ پانی اور ادویات سے محروم ہیں۔ تنازع کے تمام فریقوں کو بین الاقوامی انسانی قانون کا احترام کرنا چاہیے۔