Raza Musani 
مقبوضہ بیت المقدس: صیہونی حکومت نے انڈونیشیا سمیت مزید چار مسلم ممالک سے سفارتی تعلقات کی کوششیں تیز کردیں۔ اسرائیلی میڈیا کی رپورٹ کے اسرائیلی وزیر خارجہ ایلی کوہن معاہدہ ابراہم کو وسعت دینے کیلئے انڈونیشیا، صومالیہ، نائیجر اور موریطانیہ سے بات چیت کررہے ہیں۔ امریکی محکمہ خارجہ کے سینئر عہدیدار سیکریٹری خارجہ انٹونی بلنکن، جیک سلیوان اور آموس ہوچسٹائن بھی معاہدے ابراہم کو وسعت دینے کی کوششوں میں مصروف ہیں۔ پچھلے ہفتے وزیر خارجہ ایلائی کوہن نے اپنے جرمن ہم منصب سے ملاقات میں کہا تھا کہ موریطانیہ اور نائیجر کے ساتھ تعلقات کی بحالی کیلئے ہماری معاونت کی جائے۔ نیتن یاہو نے گزشتہ ماہ کہا تھا کہ وہ سعودی عرب کے ساتھ تعلقات کو معمول پر لانے کی امید کر رہے ہیں لیکن فی الوقت پیشرفت رکی ہوئی ہے۔ اسرائیل اور موریطانیہ کے درمیان تعلقات معمول پر لانے کیلئے اہم مذاکرات ہو رہے ہیں ۔جبکہ انڈونیشیا اور اسرائیل کے درمیان حالیہ عرصے میں تجارت، ٹیکنالوجی اور سیاحت کے شعبوں میں غیر سرکاری تعلقات میں پیشرفت ہوئی ہے۔
