Raza Musani 
نابلس: صیہونی فوج نے کم عمر نوجوان سمیت دو فلسطینیوں کو گولیاں مار کر شہید اور دو کو زخمی کردیا۔ مقبوضہ علاقوں میں صیہونی فوج کا وحشیانہ کھیل جاری ہے۔ صیہونی فوجیوں نے مغربی کنارے کے علاقے قلقیلیہ میں مظاہرین کو منتشر کرنے کیلئے دھاوا بولا۔ فوجیوں نے آنسو گیس کے گولے داغے اور مظاہرین پر ربڑ کوٹڈ اسٹیل کی گولیاں چلائیں۔ جس سے 14 سالہ فارس زخمی ہوگیا اسےاسپتال پہنچایا گیا لیکن وہ جانبر نہ ہوسکا۔ اس سے پہلے صیہونی فوجیوں نے غرب اردن کے العین کیمپ پر چڑھائی کردی۔ فلسطینیوں نے قابض فوجیوں کیخلاف مزاحمت کی۔ فوجیوں نے فلسطینیوں پر براہ راست فائرنگ کی جس سے 23 سالہ محمد عبد الحکیمہ موقع پرہی شہید ہوگیا۔ گولیاں لگنے سے دو فلسطینی زخمی بھی ہوئے۔ چوبیس گھنٹوں کے دوران شہید ہونیوالے فلسطینیوں کی تعداد پانچ ہوگئی ہے۔
