داسو میں چینی باشندوں پر خود کش حملے کے مقدمے میں 2 ملزمان کو سزائے موت، 4 بری

ایبٹ آباد: ہزارہ ریجن انسداد دہشت گردی کی عدالت نے داسو میں چینی باشندوں پر خود کش حملے کے مقدمے میں ملزمان محمد حسین اور محمد آیاز کو 13 بار سزائے موت اور فی کس 15 لاکھ روپے جرمانے کا حکم سنادیا جبکہ 4 ملزمان کو شک کی بنا پر بری کرنے کا حکم دے دیا۔ گزشتہ برس داسو میں خود کش حملہ میں چائنیز اور پاکستانی شہید ہوئے اور پولیس نے سی ٹی ڈی اور دیگر احساس اداروں کےہمراہ جدید ٹیکنالوجی کو بروئے کارلاکر فرانزک کے ذریعے حملے میں ملوث خود کش حملہ آور کے خاندان اور ملوث تمام دیگر ملزمان کو گرفتار کیا۔