Raza Musani 
غزہ : غزہ کے فلسطینیوں نے اسرائیلی فورسز کی جانب سے کیے جانے والے مظالم کی جانب توجہ مبذول کرانے کے لیے انٹرنیشنل کمیٹی آف ریڈ کراس کو 100میٹر طویل ایک خط بھیجا ہے۔فلسطینیوں نے یہ خط خاص طور پر اسرائیلی فورسز کی جانب سے جیلوں میں فلسطینی قیدیوں پر کیے جانے والے تشدد اور انسانی حقوق کی خلاف ورزیوں کی طرف توجہ دلانے کے لیے لکھا ہے۔خط میں فلسطینیوں نے ریڈ کراس کو اسرائیل کی جانب سے قیدیوں پر تشدد کے علاوہ خواتین، بچوں اور بیمار افراد کی حراست، اور غیر منصفانہ مقدمات میں انصاف کے غلط استعمال جیسی انسانی حقوق کی خلاف ورزیوں سے آگاہ کیا ہے۔فلسطینی قیدیوں کی ایسوسی ایشن کے جمع کردہ اعداد و شمار کے مطابق، اس وقت 4,700 فلسطینی اسرائیل کے زیر کنٹرول 23 جیلوں اور حراستی مراکز میں قید ہیں، جن میں 32 خواتین، 160 بچے اور 640 منتظمین شامل ہیں۔
