Raza Musani 
اسلام آباد :وزیراعظم شہبازشریف نے کہا ہے کہ جنیوا کانفرنس میں دس ارب ڈالر امداد کے وعدے کئے گئے۔ جنیوا سے واپسی پر اسلام آباد میں نیوز کانفرنس میں شہبازشریف نے کہاکہ سب سے زیادہ 4.2 ارب ڈالر امداد کا اعلان اسلامک ڈیولپمنٹ بینک نے کیا۔ جبکہ ورلڈ بینک نے 2 ارب اور ایشین انفرا اسٹرکچر ڈیولپمنٹ بینک نے 1 ارب ڈالر کا اعلان کیا۔ شہبازشریف نے کہا کہ یہ کامیابی ٹیم ورک کا نتیجہ ہے۔ بال اب ہمارے کورٹ میں ہے، ایک ایک پائی کو شفافیت کے ساتھ استعمال کرنا ہے۔ شہباز شریف نے کہا کہ ایک ایک پائی عوام کی ترقی و خوشحالی اور خدمت میں نچھاور کی جائے گی، سیلاب متاثرین کی دوبارہ آبادکاری تک کوششیں جاری رکھیں گے.
