یمن میں نام نہاد جنگ بندی میں مزید ایک ماہ کی توسیع

جنگ بندی نام کی کسی چیز کا وجود نہیں تو اس میں توسیع کیسی؟ انصار اللہ
ریاض(نیوز ڈیسک) عرب اتحا دنے یمن میں نام نہاد جنگ بندی میں مزید ایک ماہ کی توسیع کا اعلان کردیا، عرب اتحاد کے ترجمان کرنل ترکی المالکی نے نیوز کانفرنس میں بتایا کہ یمن میں 23اپریل کو دو ہفتوں کی عبوری جنگ بندی کا اعلان کیا تھااب اس میں ایک ماہ کی توسیع کی جارہی ہے، عرب اتحاداس جنگ بندی کو متحارب فریقین کے درمیان مستقل جنگ بندی کے لیے ایک بہترین موقع خیال کرتا ہے،ادھر انصار اللہ نے جارح سعودی اتحاد کی جانب سے جنگ بندی کی مدت میں توسیع کے دعوے کو مسترد کر دیا، انصار اللہ کے سیاسی دفتر کے رکن محمد البخیتی نے کہا کہ جنگ بندی نام کی کسی چیز کا وجود نہیں تو اس میں توسیع کیسی؟ عرب اتحاد جنگ بندی میں توسیع کا دعوی کرکے اپنی آئندہ شکستوں کا جواز پیش کرنے کے درپے ہے۔