آرٹس کونسل آف پاکستان کراچی کی جانب سے علامہ طالب جوہری مرحوم کی ادبی خدمات کی یاد میں سیمینار کا انعقاد کیا گیا۔ سیمینار کی صدارت ممتاز دانشور اور پاکستان پیپلز پارٹی کے رہنما تاج حیدر نے کی۔ اس موقع پر ڈاکٹر پروفیسر شاداب احسانی، باقر زیدی، انیس عباس، شبر رضا، ارتضیٰ عباس نقوی نے علامہ طالب جوہری کی ادبی خدمات پر اپنے خیالات کا اظہار کیا جبکہ ممتاز شاعر فراست رضوی، احمد شاہ نے منظوم نذرانہ عقیدت پیش کیا۔ سیمینار کی نظامت کے فرائض سید ابرار حسن نے انجام دیئے جبکہ کلمات استقبال منصور ساحر اور حرف تشکر آصف اعجاز نے انجام دیئے۔
